Hogei lagun hil dituzte eta beste 50 zauritu gaur Afganistanen, atentatu batean. Paktika eskualdeko errepideetako eraikuntza enpresa baten kontra egin dute erasoa, ustez talibanek. Iturri ofizialen arabera, hiru ekintzailek enpresako segurtasun taldeko hiru kideri tiro egin diete lehendabizi, eta, ondoren, lantokian lehergailuz betetako kamioi bat eztandarazi dute. Hogei langile hil egin dira.
Afganistango Barne Ministerioak esan du erasoa suizida batek egin duela.
Pakistango muga ondoan izan da atentatua.
