Ez dakite zer dela-eta hondoratu den itsasontzia, baina, Yonhap agentziaren arabera, bi ordutan jo du hondoa: "Zarata handi bat izan da, eta ontzia hondoratzen hasi da", esan du erreskatatuetako batek.
Incheoneko portutik abiatu da ontzia, eta Jeju irlara bidean gertatu da istripua. Ikasleak dira ontzian zihoazen gehienak. Byeongpoong irlatik hogei bat kilometrora, sorospen seinale bat eman du ontziak, eta 368 lagun erreskatatu dituzte; 284, ordea, desagertuta daude, eta lau lagun hil direla ere baieztatu dute.
