31 lagun hil dituzte Pakistanen bi atentatutan

Bi bonba lehertarazi dituzte gaur Pakistanen, Rawalpindin, Islamabadetik gertu, eta 31 lagun hil dira eta 40 zauritu. Lehergailu bat autobus batean eztandarazi dute eta bestea azoka batean.

Defentsa Ministerioarena da autobusa, eta azoka batetik pasatzean lehertu egin da bonba, jendez gainezka zegoen azoka batetik gertu. 24 lagun hil dituzte eta 30 zauritu.

Beste leherketa R.A. azoka ezagunean izan da, eta zazpi lagun hil dituzte eta hamalau zauritu. Pakistango iturri ofizialen arabera, motoan zihoan suizida batek eragin du azokako atentatua.