Sute ikusgarria izan da gaur Shanghaiko (Txina) 28 solairuko eraikin batean, eta gutxienez 42 lagun zendu dira eta ia ehun zauritu, Xinhua Txinako berri agentziak dioenez. Shanghain 14:00ak zirela piztu da sua, eraberritzen ari ziren eraikin batean, Jing'an barrutian. 156 etxebizitza dauzka.
Sutea azkar hedatu da eta bertan zeuden lagun askok leihoetatik saltatu behar izan dute. Beste asko eraikineko sabaira igo dira.
Suhiltzaileen 61 ibilgailu eta hiru helikoptero joan dira hara, sua itzaltzeko eta jendea artatu edo salbatzeko. Keak asko baldintzatu die lana.
txina
42 lagun hil dira Shanghaiko 28 solairuko eraikin bateko sutean
Iruzkinak
Ez dago iruzkinik
Ordenatu
