Herbehereetako elizbarruti baten esku zegoen ospitale psikiatriko batean 34 haur hil zituzten 1952-1954 urteetan, batzorde independiente baten arabera. Batzorde horrek Elizako kideek ustez egindako sexu gehiegikeriak aztertzen ditu, eta urte haietan erregistratutako heriotzak hilketa kasuak direla erakusten duten frogak aurkitu dituztela adierazi dute ohar batean. Dena den, ez dago argi hilketek sexu gehiegikeriekin zerikusirik dutenik.
Batzordearen esanetan, gainera, elizbarrutiko gotzainak eta gizarte zerbitzuek bazuten heriotzen berri, baina ez zuten salaketa ofizialik jarri. Fiskaltza kasua aztertzen ari da, eta auziarekin zerikusia dutenei galdeketak egingo dizkiete datozen hilabeteetan.
50eko urteetan hildako 34 haurren heriotza ikertzen ari dira Herbehereetan
Elizak egindako sexu gehiegikeriak ikertzen dituen batzorde baten arabera, psikiatrikoko langileek hil zituzten
Iruzkinak
Ez dago iruzkinik
Ordenatu
