62 pertsona hil eta 135 zauritu dituzte gaur Afganistanen, xiiten aurka egindako bi atentatutan. Kabulen izan da eraso bat, Mazar i Sharifen bestea.
Kabulgoan 58 lagun zendu dira, suizida batek Abu Fazi mezkitan erasoa eginda. 130 zauritu dira. Handik minutu gutxira izan da beste atentatua, lehergailu batzuekin, eta lau lagun hil eta bost zauritu dira.
Talibanen bozeramaile bat atentatuen aurka azaldu da, eta esan du "islamismoaren kontrakoak" direla.
Atzo Bonnen (Alemania) Afganistango etorkizunari buruzko nazioarteko konferentzia izan zen.
