70 egun gose greban zeramatzan Aljeriako preso bat hil egin da Marokoko Saleko kartzelan, Rabat hiriburutik gertu. 20 urteko espetxe zigorra zuen, Marokon Aljeriako kontsuletxearen aurka egiten saiatzeagatik.
Ahmed Benmilud presoak 56 urte zituen, eta pasa den ostegunean hil zen. Haren osasun egoerak okerrera egin zuela eta, Rabateko ospitalera eraman zuten, eta bertan zendu zen.
Iazko abenduan atxilotu zuten Benmilud. Bakartutako ziega batean zegoela salatu du atxilotutako islamisten defentsarako koordinakundeak, eta gose greba behin baino gehiagotan hasi zuela adierazi du koordinakundeko bozeramaile batek, "espetxeko baldintza kaskarrak eta jasotako tratu txarrak" salatzeko.
