Beldurraren menpe bizi dira azken orduetan Indonesiako Sumatra uharteko bizilagunak. Izan ere, atzo 18:10 inguruan (13:10 Euskal Herrian) Richter eskalan 8,4ko indarra hartu zuen lurrikarak astindu zituenetik beste 18 erreplika izan dituzte, gutien artean bortitzena, gaur goizean jazo den 7,8koa. Halaber, tsunamia sortzeko arriskua zegoelakoan hiru aldiz jarri dute alerta agintariek.
Lurrikara boladak eragindako kalteen zenbaterainokoak diren ez dago guztiz argi oraindik, baina iturri ofizialen arabera, gutxienez hamar lagun hil dira, ehundik gora dira zaurituak, eta hainbat eraikin erori dira. Sumatrako Bengkalu eta Padang inguruak dira kaltetuenak. Bengkalun argindarrik eta oinarrizko azpiegiturarik gabe jarraitzen dute.
2004ko abenduaren 26an tsunami handiak hartu zuen inguru hura, eta 170.000 lagunetik gora hil zituen. Harrezkero, lurrikarek izu handia sortzen dute hango bizilagunen artean.
Mundua
7,8ko beste lurrikara handi batek astindu du Sumatra
Richter eskalan 8,4ko indarra hartu zuen mugimendua izan zuten atzo, eta harrezkero 18 erreplika nabaritu dituzte, tartean, 7,8ko hori. Iturri ofizialen arabera, hamar lagun hil dira eta ehundik gora dira zaurituak. Argindarrik eta oinarrizko azpiegiturarik gabe jarraitzen dute Bengkulu inguruan.
Iruzkinak
Ez dago iruzkinik
Ordenatu
