Mahmud Abbas Palestinako Aginte Nazionaleko presidenteak esan du Zisjordania eta Gazarako batasun nazionaleko gobernuak Israelekin lortutako bake akordio guztiak errespetatuko dituela.
Wafa berri agentziak jakinarazi duenez, gobernu berriaren agenda politikoa "jarraikortasunezkoa" izango da, eta, beraz, orain arteko programa politikoaren bidetik jarraituko dute.
Batasun gobernua Abbasek gidatzea hitzartu zuten Al-Fatahek eta Hamasek joan den otsailaren 7an.
