Abuztuaren 20tik bahituta zeuden bi kazetari frantsesak askatu dituzte

Abuztuaren 20an Irak hegoaldean bahitu zituzten Christian Chesnot eta Georges Malbrunot kazetari frantsesak askatu dituztela adierazi du Al Jazira komunikabide arabiarrak. Al Jazirak zabaldu duenez, Irakeko Armada Islamiarraren adierazpen bat jaso dute eta bertan bi kazetariak Bagdadeko Enbaxada frantsesean utzi dituztela azaltzen da. Askapena, kazetariek espioitza amerikarrarekin zerikusirik ez zutela baieztatzean egin omen da, baita erakunde musulmanen aldarrikapenei men eginez ere.