AEBek atzo egin zuten aitortza "garaipen handia" da Iranentzat. Hala esan du Mahmoud Ahmadinejad presidenteak, telebista bidez zabaldu duten agerraldi batean. Izan ere, helburu militarra zuten jarduera militarrak Iranek 2003an utzi zituela bertan behera dio 16 inteligentzia zerbitzu estatubatuarrek auziari buruz landu duten txostenak. Horrenbestez, nazioarteko komunitatatean Iranen aurkako jarrera bultzatzeko eta herrialde horri zigorrak ezartzeko AEBek erabili duten argudio nagusia bertan behera geratu da.
Gainerakoan, erabilerako zibilerako teknologia nuklearra garatzeko programarekin aurrera jarraituko dutela azpimarratu du Ahmmadinejadek. Programa horren ondorioz liskar handia izan du azkenaldian Iranek nazioarteko komunitatearekn, IAEA eta NBE barne direla, bertan behera utz dezala agindu baitiote behin eta berriz. Irango Gobernuak behin eta berriz erantzun du munduko beste hainbat herrialdek adinako eskubidea dutela teknologia nuklearra garatzeko.
Mundua
AEBek aitortzea Iranek ez duela jarduera nuklear militarrik "garaipen handia" da Ahmadinejaden ustez
Erabilerako zibilerako garapen nuklearreko programarekin aurrera jarraituko dutela azpimarratu du Irango presidenteak. AEBetako 16 inteligentzia zerbitzuk egin duten txostenaren arabera, Iranek 2003an eten zituen erabilera militarreko jarduera nuklearrak.
Iruzkinak
Ez dago iruzkinik
Ordenatu
