Bigarren egunez segidan Pakistango ipar-mendebaldea bonbardatu du Ameriketako Estatu Batuetako (AEB) armadak, pilotuek gidatu gabeko hegazkinen bidez, eta hamabi lagun hil dituzte. Tabi Saidgain egin dute erasoa, Ipar Waziristan eskualdean.
Bonbek ustezko ekintzaile baten etxea jo dute, baina baita ondoko eraikinak ere, zibilenak, Dawn telebista kateak dioenez. Honek esan du hildako lagunak hamabi izan direla, eta horien artean hiru haur eta bi emakume daudela.
Astelehenean zazpi lagun zendu ziren bonbardaketan eskualde berean. AEBetako armadak maiz egin ditu erasoak han inguruan, Al Kaedako kideak bertan daudelakoan.
Pakistango Gobernuak jendaurrean gaitzetsi egiten ditu ekintzok.
mundua
AEBek beste hamabi lagun hil dituzte gaur Pakistanen
Ipar Waziristan eskualdea bonbardatu dute. Zendu direnen artean hiru haur eta bi emakume daude. Astelehenean zazpi pertsona hil zituzten.
Iruzkinak
Ez dago iruzkinik
Ordenatu
