Irakeko presidentea aukeratzeko hauteskundeak pakean egin nahi dituztela argudiatuta, Faluja gogor erasotu zuten astearen hasieran AEBek. Hiria kontrolpean hartu nahi zuten, baina erresistentziak gogor egin die aurre. Borrokak etengabeak dira hiri hartan, eta lekukoek diotenez, lurrean gorpu ugari dago, hilda.
AEBek gaur esan dutenez, erresistentzia hiriaren hegoaldean inguratzea lortu dute. Gainera, hiriaren %70 kontrolpean dutela jakinarazi dute.
Mosul bonbardatu dute
Gaur gauean AEBek Mosul bonbardatu dute. Hiri horretan ere borroka gogorretan dabiltza atzotik, eta AEBek hiria kontrolpean dutela dioten arren, hori dudan jarri du hainbatek. Dudak ezabatzeko, hiriaren kontrola ez dutela galdu berretsi du gaur AEBetako militar batek. Hark esan duenez, "matxinoei merezi zuten erantzuna emateko" bonbardatu dute hiria,
Iraken okupazioa
AEBek diote Falujako erresistentzia inguratuta daukatela
AEBetako militarrek esan dutenez, Falujako erresistentzia inguratuta daukate, hiri horren hegoaldean. AEBek Faluja kontrolpean hartu nahian eraso handia hasi zuten aste hasieran, baina erresistentziak gogor erantzun die, eta borroka gogorrak daude. Lekukoek diotenez, kaleetan hilotz ugari ikus daitezke; estatubatuarrek esan dutenez 600 bat irakiar hil dituzte. Bestalde, gaur Mosul bonbardatu dute AEBek, eta hiria kontrolpean dutela berretsi dute.
Iruzkinak
Ez dago iruzkinik
Ordenatu
