AEBen ustez, Israel gero eta bakartuago dago

WASHINGTON. AEBetako Defentsa idazkari Leon Panetta kezkaturik dago Ekialde Hurbilean Israelen inguruko «bakartzea handituz» doalako. Haren ustez, batetik, herrialde arabiarretan izan diren aldaketak Tel Avivek bere alde jartzeko baliatu beharko lituzke, batez ere Egiptorekin harremana hobetuz, eta, bestetik, PAN Palestinako Aginte Nazionalarekin harremana hobetu beharko luke negoziazioei berrekiteko.