AEBetako medikuek sifilia sartu zuten Guatemalan

GUATEMALA HIRIA. Ameriketako Estatu Batuetako Gobernuak 64 urte behar izan ditu Guatemalari barkamena eskatzeko. Penicilinaren eraginkortasuna ikertzeko hainbat esperimentu egin zituzten medikuek han, eta, horretarako, sifilis eta gonorreaz kutsatu zituzten presoak eta buruko gaitzak zituzten lagunak. Orotara, 600 lagun kutsatu zituzten 1946 eta 1948 bitartean.