AEBetako sei mertzenario deklaratzera deitu dituzte

washington Ameriketako Estatu Batuetako Blackwater segurtasun enpresako sei kide deklaratzera deitu ditu Justizia Departamenduak, hamazazpi zibil irakiarren hilketan zerikusia dutelakoan. Deklaratzera deitu izanak, ordea, ez du esan nahi auzipetuko dituztela. Blackwaterren arabera, sei mertzenarioek beren buruak defendatzeko egin zuten tiro, baina beste lekukoak ez datoz bat. Iaz gertatu zen tiroketa, Bagdaden.