AEBetako soldaduek ondo tratatu dezaten bitartekari lanak egiteko eskatu dio Husseinek epaileari

Sadam Husseinen Irakeko presidente ohiaren eta beste zazpiren kontrako epaiketarekin jarraitzen hari dira gaur. Zortzi lagunetatik azkena eraman dute Hussein, Korana besapean zuela. Mujahidinei pazientzia eskatzen dien Koraneko bertso batzuk irakurri ostean, epaileari eskatu dio, AEBetako soldaduei agindu diezaiela espetxean daukaten bitartean ondo tratatzeko. Gainera, epaitegira sartu aurretik bere burua defendatzeko oharrak apuntatuta zituen orria eta boligrafoa kendu dizkiotelako kexatu egin da.