AEBetan 12 lagun hil eta 38 zauritu dira, gutxienez, tiroketa batean. El Caballero Oscuro: La Leyenda Renace Batman sagako azken filmaren aurkezpenean gertatu da ezbeharra, Denver hirian (Colorado).
Tiroketen ustezko egilea atxilotu dute, 21 urteko gaztea, hiriko polizia buruak telebista kate batean adierazi duenez. Tiroketa gertatu den momentu berean hil dira 10 lagun, poliziaren arabera, eta beste biak ospitalean zendu dira.
Lekukoek adierazi dutenez, "maskara bat zeramen eta beltzez jantzitako pertsona bat" zinema aretoan sartu da bat-batean, rifle bat eskuetan zuela, eta tiroka hasi omen da.
