Gutxienez 35 pertsona hil eta beste 32 zauritu dira Afganistanen armadaren soldaduak errekrutatzeko gune baten aurkako eraso suizida batean.
Afganistango Gobernua soldaduak bildu nahian dabil, baina horiek matxinatuen atentatuen helburu bilakatu dira. AEBak eta NATO armadaren eta Poliziaren segurtasunaren aginpidea eskualdatzen hasiko dira datorren uztailean. 2014rako Afganistanek eskuduntza osoa izatea espero dute.
Karzairen hitzak zalantzan
Iragan larunbatean Hamid Karzai presidenteak erasoaldiak eteteko eskatu zien NATOri eta AEBei. Afganistango Gobernuak Karzairen hitzak gaizki interpretatu zirela dio, orain. Presidenteak zibilak hiltzeari uzteko eskatu nahi zuela azaldu dute.
Nazioarteko soldaduak Afganistanen sartu zirenetik urterik odoltsuena izan zen iazkoa. Biktima gehienak matxinoen erasoaldiek eragin zituzten.
Afganistango armadaren aurkako erasoan 35 lagun hil dira, gutxienez
Karzai presidenteak NATOri erasoak eteteko eskatu izana ukatu du Afganistango Gobernuak
Iruzkinak
Ez dago iruzkinik
Ordenatu
