Igandean Txinako Poliziak Pekingo aireportuan atzeman zuenetik, Ai Weiwei disidente txinatarraren (53 urte) berririk ez dago. "Formalki ez didate atxiloketaz ezer adierazi", esan du haren Lu Qing-ek gaur, eta senarraren osasunagatik kezkatuta dagoela aitortu du, "egunero hartu behar izaten dituelako medikamenduak presioa eta diabetesagatik".
Hong Kongera abiatzear zela atxilotu zuten giza eskubideen aldeko ekintzailea, eta haren telefonoa itzalita dago ordutik. Txinak esan du kontu ekonomiko batzuengatik ikertzen ari direla, baina Weiweiren emazteak adierazi du hori guztia propaganda dela. "Nire senarra artista da, diseinatzailea, arkitektua, eta haren hitzak eta ekintzak irekiak dira, gardenak eta denek ezagutzen dituztenak".
Poliziak haren zortzi laguntzaile ere atzeman zituen orduan. Libre geratu ziren, galdeketa baten ostean.
Poliziak abenduan ere ez zion Txinatik irteten utzi Ai Weiweiri. Aurrekoan Bakearen Nobel sariaren ekitaldira zihoala eragotzi zioten herrialdetik ateratzea —Liu Xiaobo ekintzaile preso txinatarrari eman zioten saria—.
