Al Kaedako buruzagia atxilotu dute Iraken

BAGDAD. Abu Omar al Bagdadi Al Kaedak Iraken duen buruzagia atxilotu dutela baieztatu du Bagdadeko gobernuak. Iragan ostegunean eman zuen jakitera Irakeko telebista kate ofizialak Al Bagdadi atzeman zutela, baina atzo arte Gobernuak ez zuen informazioa baieztatu. 2006an izendatu zuten talde islamista armatuko buru, joan den astean Al Rasafa barrutian atxilotu zuten arte.