Irakeko krisiaren ondorena
Al Kaedaren ustezko hogei kide atxilotu ditu Iraken AEBtako armadak
AEB Amerikako Estatu Batuetako armadak Al Kaeda erakundearen ustezko hogei kide atxilotu ditu gaur Bagdaden. Ricardo Sanchez AEBtako armadaren generalak adierazi duenez, "Al Qaedaren sare terroristako ustezko kide izateagatik" atzeman dituzte, eta "une honetan galdekatuak izaten ari dira Osama Bin Ladenen laguntzaileak ote diren jakiteko".
Sanchezen esanetan, "atzerriko ehunka ekintzaile" sartu dira Iraken Siriatik eta Irandik, "AEBen aurkako gerra santuan parte hartzeko". Indar okupatzaileen koalizioaren eta Irakeko Gobernu Kontseiluen susmoen arabera, Al Qaedak prestatu zituen urriaren 27an Bagdad hiriburuan bost atentatuak. Gurutze Gorriaren eta Irakeko lau polizia etxeren egindako ekintza horietan 43 lagun hil eta 200 zauritu ziren.
Iruzkinak
Ez dago iruzkinik
Ordenatu
