Al-Qaedak Internet bidez jakinarazi du bere bigarren buruzagiaren hilketagatik egin zuela asteazkenean Bengazin AEBen Libiako enbaxadaren kontrako atentatua —Chris Stevens AEBen Libiako enbaxadorea hil zuen—.
Wanis al-Xarf Libia ekialderako Barne ministrordeak Muammar Gaddafi Libiako koronel zenaren aldekoei egotzi zien erasoaren erantzukizuna. AEBetan Mahoma eta Islama kritikatzen dituen bideo bat argitaratu izana ere jo zuten erasoaren arrazoi gisa.
Aipatutako bideoa dela-eta protestak mendebaldera ere zabalduta daude. AEBek Tunisian duten enbaxadaren aurrean izandako borroketan lau lagun zendu dira atzotik.
Al-Qaedaren bigarren buruzagi Abu Yehia al Libi AEBek hil zuten, ekainean, Pakistanen.
