Gaur goizaldean Al-Qaedaren ekintzaile talde bat Yemengo hiriburuaren hegoaldean dagoen hiri bateko espetxean sartu da, Radan, eta ehunka preso askatu ditu, horietako asko Al-Qaedakoak. Yemengo segurtasun iturriek azaldu dutenez, gutxienez bi polizia hil dira erasoan.
Atzo Al-Qaedako 400 ekintzailek, gainera, Radako segurtasun bulegoa hartu zuen. Agintariek eskolak eta banketxeak husteko agindu dute, eta dirua eramateko, lapurtuko dutelako beldur. Hirira sartzeko kontrol guneak erasotu zituzten atzo, gainera, ekintzaileek, eta albiste agentzien arabera, armak pilatzen ari dira.
