N-VAk Belgika osoko botoen %18,4 jaso ditu, 2009ko bozetan baino bost puntu gehiago. Atzean utzi ditu gainerako alderdiak: CD&V kristaudemokrata flandriarrak (%13,2), liberalak (%10,9, bi puntu irabazita) eta PS sozialista frankofonoak (%8,8, ia bost puntu galduta). Vlaams Belang eskuin muturreko alderdiak botoen ia erdiak galdu ditu, eta %4,62ra jausi da.
Eskozian SNP Eskoziako Alderdi Nazionalak botoen %28,99 jaso ditu, eta aurreko hauteskundeetan lortutako bi eurodiputatuak mantentzea lortu du. 2011ko Eskoziako Parlamentuko bozekin alderatuta, hiru puntu galdu ditu. Alderdi laborista ere jaitsi egin da, eta bigarren geratu da, botoen %25,7rekin. Haien ostean, kontserbadoreak (%18,3), UKIP (%10,3); Berdeak (%7,7) eta Liberal Demokratak (%6,8).
