Alemanian ezkerreko 60 ekintzaile atxilotu dituzte

BERLIN. Alemaniako Goppingen hirian Poliziak ezkerreko 60 ekintzaile atxilotu ditu, eskuin muturrak deitutako martxa bat zela-eta izandako istiluetan. Ezkerreko 2.000 manifestari inguru martxa oztopatzen saiatu zirenean hasi ziren istiluak. Eskuin-muturreko ehundik goiti kide tren geltokian elkartu ziren, eta haiengana iritsi nahi zuten ezkerreko ekintzaileen aurka oldartu zen Polizia.