"132 urtez, Aljeria sistema bidegabe eta basati baten menpe egon zen. Sistema horrek izen bat du: kolonizazioa. Aitortzen dut Aljeriako herriari pasarazitako sufrimendua". Hitz horiekin mintzatu da François Hollande Frantziako presidentea gaur Aljeriako Parlamentuan.
Hollandek gogoan izan ditu 1945eko maiatzaren 8ko Setif eta Guelmako sarraskiak; Aljeriaren independentzia eskatzen zuten milaka herritar hil zituen Frantziak. Ez du barkamenik eskatu, ordea, aljeriarrek eskatzen duten moduan.
"Egiak batu egiten gaitu, ez banatu", azpimarratu du. Aljeriak eta Frantziak harreman ekonomiko onak dituzte, baina kolonizazioaren oroimenak oraindik haserrarazi egiten ditu aljeriarrak. Hollandek esan du bi herrialdeen arteko harremanetan beste aro bat hasi behar dela. "Ekonomiak izan behar du ardatza", gaineratu du.
