Amerikako Estatuen Erakundeak (OEA) erabaki du 72 orduko ultimatuma ematea Hondurasi, honek berriz ere Manuel Zelaya jar dezan gobernuko presidente. Ebazpena onartu du OEAk, Washingtonen egindako batzar nagusian.
Hondurasek jaramonik egingo ez balu, OEAk erakundetik bidali egingo du. 1962tik ez dute herrialderik bidali -Kuba kanporatu zuten orduan-.
Bestalde, Europako Batasuneko herrialdeek bertan behera utzi dituzte negoziazioak Amerikako erdialdeko herrialdeekin, Hondurasko estatu kolpea dela-eta. Hala ere, ahalik eta azkarren elkarrizketei berriro ekitea espero dutela adierazi dute EBko herrialdeek.
Hondurasko armadak igandean presidente kargutik kendu zuen Zelaya, estatu kolpea emanda. Roberto Micheletti da orain Hondurasko presidentea. OEA ere horren denaren aurka agertu da.
Zelaya bera parte hartzen ari da Amerikako Estatuen Erakundearen batzar nagusian.
munDUA
Amerikako Estatuen Erakundeak Zelaya berriro presidente jartzeko ultimatuma eman dio Hondurasi
Ebazpena onartu du OEAk, Washingtonen egindako batzar nagusian. 72 orduko epea eman dio.
Iruzkinak
Ez dago iruzkinik
Ordenatu
