Annan Bagdaden da, inbasioa hasi zenetik lehen aldiz

Kofi Annan NBE Nazio Batuen Erakundeko idazkari nagusia Bagdaden da, ezusteko bisitan. Herenegungo atentatu handia zela-eta atzo Jordanian izan ostean gaur goizean heldu da Annan Irakeko hiriburura, eta agintariekin bilerak egiteko asmoa du. Nolanahi ere, gatazka giroak bizi-bizi jarraitzen du Bagdaden: bonba-auto bat leherrarazi dute gaur goizean xiitak gehiengo diren auzo bateko azokan, eta lau lagun hil ditu.