Frantziako presidentetzarako hauteskundeek badute data. Datorren apirilaren 23an egingo dute lehen itzulia, eta maiatzaren 7an, bigarrena. Legebiltzarreko bozak, berriz, datorren urteko ekainaren 11n eta 18an egingo dituzte. Hala jakinarazi du Gobernuko eledun Stephane Le Follek.
Duela lau urteko maiatzean heldu zen agintera François Hollande egungo estatuburua, botoen %51,56 eskuratu eta Nicolas Sarkozy garaituta. Egun, ez batak ez besteak ez dute aurreratu datozen bozetan aurkeztuko diren.
