Bihar amaitzen da Arabiar Ligak Siriara bidalitako behatzaileen lana, baina misioa luzatzea aztertzen ari dira. Damasko begiraleak denbora gehiagoz onartzeko prest badago ere, ez du horien eskumena handitzea ontzat hartuko. Orain arteikusterik izan ez dituzten «zona militarretan» sartzeko baimenik ez diete emango, beraz. NBE Nazio Batuen Erakundeak, berriz, Arabiar Ligak hala eskatuta, begiraleak entrenatuko dituela jakinarazi du.
Errusiak, bestalde, NBEren Segurtasun Kontseiluan Siriari buruzko hirugarren txostena aurkeztu du eta Baxar al-Assaden erregimenari manifestarien aurkako erasoak eteteko eskatzen dio bertan. Testua oraindik eztabaidatu ez badute ere, Europako hainbat herrialdek nahikoa ez dela jakinarazi dute. Horrez gain, oposizioa kritikatu du Moskuk, agintariekin biltzea onartzen ez duela eta. Atzo 30 lagun hil zituzten, gutxienez, protestetan.
Arabiar Ligako begiraleak Sirian jarraitzea onartzeko prest dago Damasko
Iruzkinak
Ez dago iruzkinik
Ordenatu
