Al-Qaedak berak baieztatu du hil egin dela Arabiar Penintsulako Al-Qaedako buruzagi Naser al Wasishi. Bonbardaketa batean hil dute, Yemen ekialdean. Piloturik gabeko hegazkin estatubatuar batek jaurti ditu bonbak. Al-Qaedako beste bi kide ere hil dira bonbardaketa berean.
Al Wasishi —Abu Basir izenarekin ezagunagoa— Osama Bin Ladenen idazkaria izan zen Afganistanen. Iranen atxilotu zuten, eta Yemenera eraman 2003an. Sanako presondegitik ihes egitea lortu zuen 2006an.
