Frantziako Justiziak Jasser Arafat Palestinako Aginte Nazionaleko presidentearen heriotza ikertuko du, Suha Arafat alargunak uztailaren 31n aurkeztu zuen salaketaren ondoren. Azken hilabeteetan pozoituta hil zelako susmoa berretsi dute hainbat txostenek.
2004. urtean hil zen Arafat, Parisko ospitale batean bi astez ospitaleratuta egon ondoren, baina ez zioten autopsiarik egin. Orain dela gutxi Suitzako laborategi batek radioaktibitatea aurkitu zuen Arafaten hainbat jantzietan, polonioa zehazki.
Ikerketa Nanterreko Epaitegiko Fiskaltzak hasiko du; epaile bat edo gehiago izendatuko ditu instrukzio lanak egiteko.
