ARDURAGABEKERIAREN 81 BIKTIMA

Gutxienez 81 lagun hil dira Indian, Calcuttan, ospitale batean atzo piztutako sutearen ondorioz; 78 gaixoak ziren. «Krimen barkaezina» egin dute ospitaleko arduradunek, Mamata Banerjee Bengalako gobernuko buruzagiaren arabera, arduragabekeriaz jokatu dutelako. Ez zuten ezer sua itzaltzeko, ezta detektatzeko ere, nahiz eta duela hiru urte ere sute handi bat izan zuten bertan. Atzo, 160 pertsona geratu ziren ezin atera ospitalean, eta asko garaiz ez ateratzeagatik hil zirela esan dute han zeuden medikuek. Ospitaleko lau arduradun atxilotu dituzte. Argazkian, suhiltzaileak, gorpu kiskaliak ateratzen.