ARGAZKI HISTORIKOA LATINOAMERIKAN

Irango presidentearen Latinoamerikako birak argazki historikoa utzi du AEBetako kostaldetik 200 kilometro baino gutxiagora, Fidel Castro Kubako presidente ohi eta 1959ko iraultzako liderrarekin elkartu baitzen asteazkenean Mahmud Ahmadinejad. Castrok erran du Ahmadinejad «lasai» topatu duela AEBen mehatxuen inguruan, eta gerra lehertzen bada «yankien arduragabekeriagatik» izanen dela uste du. Ahmadinejadek herenegun bukatu zuen bira Ekuadorren, Rafael Correa presidentearekin elkartuta. Irango presidenteak aldarrikatu du Latinoamerika ez dela «inoiz gehiago» izanen «AEBen atzeko patioa».