Argentinak gaur salatuko du Erresuma Batua NBEn

BUENOS AIRES. Argentinak gaur aurkeztuko dio NBEko Segurtasun Kontseiluari Londresen kontrako salaketa, Malvinetako uharteak eta Atlantiko Hegoaldea «militarizatzeagatik». David Cameron Londresko gobernuburuak, berriz, Malvinetako herritarrek Erresuma Batuan segitzeko duten nahia defendatuko duela esan du, eta NBEk autodeterminazio eskubidea babesten duela gogorarazi dio Argentinari.