Argindar kable batek 17 hil ditu Brasilgo inauterietan

SAO PAULO. Inauterien aurretiko festa batean kalean dantzan ari zen jendetzari argindar kablea erori zitzaion atzo Bandeira do Sul herrian, Brasil hegoaldean. Kableak hamarnaka lagun elektrokutatu zituen, eta gutxienez haietako 17 hil zituen. Dozenaka daude zaurituta. Kablea suziri batek puskatu zuela diote lekuko batzuek, eta musika zeraman kamioiak hautsi zuela besteek.