Armagabetze nuklearrerako urratsak egin dituzte AEBek eta Errusiak

«Azken bileraren emaitzak ikusita, luze gabe emaitzak ikusiko ditu». Baikor eta ziur agertu ziren atzo hedabideen aurrean AEB Ameriketako Estatu Batuetako estatu idazkari Hillary Clinton eta Errusiako atzerri ministro Sergei Lavrov. Armagabetze nuklearrerako duela urtebete abiatu zuten elkarrizketa saioetan azkena egin dute, «funtsezko aurrerapenekin». Lavrovek dio eraso eta defentsa armen lotura agertu dela akordioan. Ekialde Hurbilaren inguruan ere aritu dira; gaur hasiko da Moskun auzian bitartekari den Laukotearen bilkura (AEBen, Europako Batasunaren, Nazio Batuen Erakundearen eta Errusiaren artekoa).