Jardun armatura itzultzeko asmoa iragarri du gaur FLNC Korsikako Nazioa Askatzeko Fronteak, AFP agentziari igorritako ohar baten bidez. "Armak hartuko ditugu berriro ere, Frantziak gure eskubide nazionalak aitor ditzan", azaldu du taldeak. Halaber, "Frantziaren jarrera ultra-jakobinoa" kritikatu du.
FLNCk bere gain hartu zituen 2012an bigarren etxebizitza ugariri eginiko erasoak. Manuel Valls Frantziako Barne ministroa Korsikara bisitan dela egin du iragarpena talde armatuak.
