Arrantzale palestinar bat hil du Israelgo armadak

GAZA HIRIA. Israelgo armadak Gazako kostaldean arrantzan ari ziren palestinar talde bati eraso zion atzo, eta 20 urteko gazte bat hil zuen. Soldaduen arabera, «debekatutako eremuan» sartu ziren arrantzaleak, eta, atzera egiteko agindua bete ez zutela eta, tiro egin zieten. Bestalde, Al Fata eta Hamaseko ordezkariak bildu ziren atzo Siriako hiriburuan, bi aldeen arteko gatazka amaitzeko asmoz.