Askatu du Espainiak 36 urte preso egon den gizona

MADRIL. Miguel Montes Neiro Espainian kartzelan urte gehien egin duen preso arrunta da, eta atzo atera zen Granadako Alboloteko espetxetik. 1976an sartu zuten kartzelara, soldaduska egiteari uko egiteagatik. Bestalde, drogekin, lapurretekin eta zigorrak ez betetzearekin lotutako delituak leporatu izan dizkiote. Espainiako PSOEko gobernuak bi barkamen partzial eman zizkion, eta PPko gobernuak barkamen osoa eman dio.