Atentatu andana egin dute Iraken, eta hildako ugari eragin

Atentatu andanak odoltsua bihurtu du gaurko eguna Iraken: dozena bat eraso egin dituzte, eta gutxienez, 46 dira hildakoak eta 190 inguru zaurituak.

Atentaturik handiena Bagdad hiriburuan bertan gertatu da, ekintzaile suizida batek lehergailuz betetako autoarekin Al Cairo auzoko polizia etxea jo, eta 15 lagun hil eta 58 zauritu baitira. Gainera, kalte material handiak eragin ditu leherketak. Eraso horrez gain, beste lau atentatu izan dira gaur goizean zehar Bagdaden, eta lau lagun hil eta hainbat zaruitu dira eraso horietan.

Baina Irak osoan gertatu dira atentatuak. Wasit probintziako hiriburuan, Kuten, bonba-autoa zartarazi du polizia etxearen ondoan, eta 15 dira hildakoaketa 60 bat zaurituak. Karbala hirian ere bonba-autoa zartarazi du ekintzaile suizida batek, eta han sei lagun hil dira.Bakuba inguruan ere atentatu bat baino gehiago izan da. Guztira, 46 lagunen heriotzaren berri eman dute Irakeko agintariek, eta 190 zaurituren kopurua.