Hilabete eta bi egun dira Malaysia Airlines konpainiako hegazkina desagertu zenez geroztik. Ordutik, behin baino gehiagotan zabaldu da ustez hegazkinari legozkiokeen zatiak atzeman dituztela radar bidez, baina frogak froga, oraino ez da haren arrastorik topatu. Gaur arte.
Analisi Akustikoen Australiako Zentroak eta kutxa beltzaren ekoizleak baieztatu dute hegazkinaren bila dabilen taldeak atzemandako seinaleak kutxa beltz batenak direla. Martxoaren 8an desagertu zenarena denik, baina, ez dute esan.
