Azawaden hogei lagun hil dituzte gutxienez

GAO. MNLA Azawadeko Nazioa Askatzeko Mugimenduko tuareg eta Ansar al-Dineko islamisten arteko liskarretan 20 lagun inguru hil dira Azawaden. MNLAk Malitik bereizi eta Azawad independente aldarrikatu zuen apirilaren 6an, Ansar al-Dineren laguntzaz. Izatez, independentziaren aurkakoa da talde islamista, eta xaria ezarri nahi du Azawaden. Bi aldeen arteko ezinikusia areagotu egin da azken asteotan.