"Raif izpiritu librea da, eta ez lege urratzailea. Pentsamendu bakarra indarrean dagoen herrialde batean bizi den ahots aske bat besterik ez da; ez da gaizkilea", nabarmendu du Raif Badawi blogariaren emazte Ensaf Haidarrek, haren izenean saria jasotzera joan denean. 2012an blogaria hamar urteko espetxealdira eta mila zigor kolpe jasotzera zigortu zuten Saudi Arabian, "islamari irain" egitea egotzita.
Estrasburgon jaso du Haidarrek giza eskubideen alde egindako lanagatik Europako Parlamentuak ematen duen Sakharov saria. Ekitaldian minutu bateko isilaldia egin dute Parisen hildakoen omenez.
