Estatu Islamikoaren aurkako operazioa zabalduko zuela ohartarazi zuen Etxe Zuriak, eta halaxe egin du. Lehenengoz Bagdadetik gertu egin ditu bonbardaketak, hiriaren hego-mendebaldean, hain justu. Hala baieztatu du AEBen Defentsa Departamentuak.
Sirian ere erasoak egiteko asmoa azaldu berri du Obamak, Iraken operazioa hedatzearekin batera. Horrekin batera, 30 herrialdek konpromisoa hartu dute Iraki "laguntza militar egokia" emateko Estatu Islamikoaren aurka borroka dadin, baina ez dute zehaztu laguntza hori nolakoa izanen den.
