Dhaka eta Barisal hirien arteko bidea egiten ari zen 'Nasreen' itsasontzia ezbeharra gertatu denean. 'Monzon' euriteen garaia da, eta Bangladesh ingurua zeharkatzen duten ibaiak hazita jaisten dira.Apirilean horrelako itsasontzien nabigazioa debekatu zuten agintariek, hil horretako lehen hogei egunetan 200 lagun hil eta 500 lagun inguru desagertu zirelako.
Bangladeshen oso ohikoak izaten gisa honetako hondoratzean, baldintza kaskarrak dituzten neurri ertaineko itsasontzi ugari ibiltzen baitira bertako uretan, eta gehienetan jendez gainezka. Transbordadoreak dira milaka herritarren garraiobide bakarrak Bangladeshen, errepide eta zubi falta nabarmena baitago paraje horietan.
Ezbeharra
Bangladesen itota hildakoak 700 lagun izan daitezke, ezbeharretik bizirik atera diren bi lagunek diotenez
Bangladesen atzo gauean hondoratu zen transbordadorean 900 lagun zihoazela eta horietatik 700 direla itota hildakoak adierazi diote bertako egunkari bati ezbeharretik bizirik atera diren bi lagunek. Agintariek momentuz ez dute azken orduko berri hori baieztatu. Meghna, Padma eta Dakatia ibaien artean gertatu da ezbeharra, korronte asko sortzen diren gunean. Gainontzeko berrehun bidaiariak bizirik atera dira.
Iruzkinak
Ez dago iruzkinik
Ordenatu
