PORT-AU-PRINCE. Haitiko lehen ministro Ariel Henryk akordio bat erdietsi zuen atzo oposizioarekin: Henryk zuzendutako batasun gobernu batek gidatuko du herrialdea. Jakinarazi zutenez, zortzi eguneko epea izango dute ministroak hautatzeko, eta horiek hauteskunde berri batzuk egin arte egongo dira boterean; «beranduenez», 2022ko amaierara arte.
Gobernuaren jarduna 43 lagunek, tartean aktibo jarraitzen duten hamar senatariek, osatutako kontrolerako eta jarraipenerako erakunde batek gainbegiratuko du.
Adostu dutenez, batzorde konstituziogile bat ere eratuko dute, hiru hilabetean konstituzio berri bat osatu dezan. Gizarte zibileko erakundeek hautatutako 33 kidek osatuko dute hura. Ondoren, testua erreferendum bidez onartu beharko dute herritarrek.
Batasun gobernu bat eratzea adostu dute Haitin
Iruzkinak
Ez dago iruzkinik
Ordenatu