Igandeko Greziako Parlamenturako bozen ostean —ideologia anitzeko zazpi alderdik lortu dute ordezkaritza—, inor ez da gauza izan gobernua eratzeko, eta Karolos Papulias Greziako presidenteak bihar talde parlamentarioekin bilera saila hasiko du, batasun nazionaleko gobernua eratu daitekeen aztertzeko, Presidentetzak gaur ohar batean jakinarazi duenez.
ND Demokrazia Berria kontserbadoreak irabazi zituen hauteskundeak, %18,8ko babesarekin, baina berehala egin zion uko exekutiboa osatzeko lanei. Bozetako bigarren indar Sirizak ezkerreko alderdia hasi zen ondoren bilera batzuk egiten, baina ez du xedea lortu. Pasok alderdi sozialdemokratak ere atzo zioen uko egin diola gobernua eratzeko ardurari.
Papulias lehenik eta behin hiru alderdi haiekin bilduko da.
