Baxar al-Assadek gobernu berria eratu du Sirian

DAMASKO. Atzo onartu zuen Baxar al-Assadek gobernu berria, eta, besteak beste, alderdiaren barruan kritikoak diren bi kide sartu ditu. Keinu gisara hartu dute adituek, gobernuak erreformak egiteko bidean. Bizikidetza Nazionalerako Ministerioa ere sortu du. Bien bitartean, Turkiaren eta Siriaren arteko liskarrak ez dira amaitu. Herenegun, Siriaren aire eremuan sartu zen Turkiako hegazkin bat, eta hura bota egin zuten. Turkiak legea urratu duela aitortu arren, neurri gogorrak iragarri du.